Region Bohemia Kelod

Region Bohemia Kelod (Jihočeský kraj) inggih punika unit administratip (kraj) saking Républik Céko, magenah makéhan pahan kelod wawengkon lelitihan Bohemia, sareng pahan alit ring kelod kauh Moravia. Pahan kauh wawidangan Bohemia Kelod inggih punika lad Prácheňsko, wawengkon purwa sané ageng sareng cecirén khas sareng ibu kotanyané, Písek. Daweg warsa 2011, wénten 624 munipilitas ring region niki, 54 ri antaranyané mastatus kota.

Region niki mawatssan (saking kauh saarah jaum jam) sareng Region Plzeň, Bohemian Tengah, Vysočina miwah Moravia Kelod. Ring sisi kelod, mawatesan sareng Austria (Austria Tebén miwah Austria Dulu) saha Jerman (Bayern). Ngantos tanggal 30 Méi 2001, Region niki kaparinamain dados Budějovický kraj utawi Českobudějovický kraj, manut ibu kotanyané, České Budějovice.

Santukan genah géograpis miwah palemahanné, Region niki ngeranjing ring sajeroning paumahan kapertama sané ngenah ring aab purwa. Selami makudang abad pungkuran, Region Bohemia Kelod kaloktah sareng budidaya ulam ring telaga miwah kaalasan. Region niki sampun kaindustrialisasi saking pamahbah abad kalih dasa. Mangkin, wawidangan niki manados tatujon wisata santukan kasugihan palemahan miwah lelitihan, miwah industri sané tumbuh pinih gelis inggih punika industri palancaran.^[1]

1. ↑ Karakteristik Wawidangan Bohemia Kelod; Wénten ring: http://www.kraj-jihocesky.cz/foreign/eng/region.php Archived 2 April 2015 at the Wayback Machine